true
true
true
true
من و سینه گُجین و زَم قوینی
من و شوئه زرنگ کَس‌کَس موینی
چوی بوشم تا اِ حالم باخور بوین
مسلمون نشنوئی، کافر نوینی
****
و زمت یا و آوازت برقصم؟
واخمت یاگه و نازت برقصم؟
م چوی واگیژه پیچیامه سه وژما
نمه زونم و کوم سازت برقصم؟
****
بوری و اوج آوازا برقصیم
گری و عشق پروازا برقصیم
ا نوم ای اخمسونه پوسیایمن
وری تا و یخه وازا برقصیم
*****
بوری وه گردِ لافاوی بچیمن
وه گرد ایل بی خواوی بچیمن
بوری وه گرد بال سیپریسکی
ورِ ژیر آسمو کاوی بچیمن
*****
منه زَما تونه توزا بچیمن
چوی اور اَ سینه پرسوزا بچیمن
ای شهره آزیه تی هرده سالن
وه تورّ خوینالی نوروزا بچیمن
****
شونت بِ دویری اَ شونا مچویچی
وَ سیلی قلف اَ زندونا مچویچی
بوری تا سرخَریوی بیمن ءو یَک
کِ تینی اور اَ وارونا مچویچی
نشریه اینترنتی بلوطستان
true
true
true
true
