نَفَس تَنگ وُ قَفَس تنگ وُ مِ دارِِم صد هوس اِمشو
کِسالت دار وُ نالونِم ؛ دِ سیکی* دی قفس اِمشو
نه نِزگی ها دِ پایام وُ نه حالی سی سفر دارم
نه قُرپی مَنَ سی مَنِ ؛ نه رَه پیش وُ نه پَس اِمشو
وِ شوق بُردِه می تاختِم ؛ که یِ سَر عُمرِمِ باختِم
سی خُم هر چیی که ساختم ؛ تَموم دَم دِ دَس اِمشو
چی اَفتوِ لُوءِ بُونِم ؛ بییَ دنیا وِ زِندونِم
پَریشونی هِراسونِم ؛ نِمیا وا سَر نَفَس اِمشو
گُپِم طُمِش مثِ ژَهرهَ؛ دِ شادی دِل چِه بی بَهره
خدا هَم وا دِلِم قَهره ؛ مُوءَ بُو بُت پَرَس اِمشو
اَذوچی خُوا وِ خُواو رَتَ؛ خِلاصی نارَ ایی ظُلمت
وِ زِل بُو تُن کُو وِ پا وُ وِ اَفتُو بُو بَرَس اِمشو
“عزیزِ ” بی سر وُ سامو ؛ چِتَ اِمشو پَکَر حالی؟
نَحَردَه مِی کُجا رَتی که بیَی مَسِّ مِس اِمشو
اُما بونگی دِ بُونِ دِل ؛ که مَس نیسِم وِ جونِ دل
فقط رَتِم سی شُونِ دِل ؛ سِراغِ خَرََّه خَس اِمشو
پانوشت:
*سیکی= گوشه ایی *نِزگی=رمقی؛ نایی؛ توانی *قُرپی= قربی ؛ منزلتی *بییَ= شده است *گُپِم= دهنم *طُمِش= طعمش ؛ مزه اش *ژَهره= زهر است *بی بهره =بدون سهم است *مُوءَ بُو بُت پَرَس = میگوید بت پرست شو *وِ زِل بُو= به ستاره زحل بگو *بونگی= صدایی * د بُونِ دِل= از ته دل *خَرََّه خَس= گِل با غلظت بالا
عزیز نادری